Ya Jooj Ma Jooj

قرآن مجید میں یاجوج ماجوج کاذکر دو (2)مرتبہ آیا ہے، جس کی تفصیل درج ذیل ہے:
یاجوج ماجوج انسانوں ہی کی دو قومیں ہیں اور یافث بن نوح (u) کی اولاد سے ہیں۔ یہ لوگ کافر ہیں اور دوزخی ہیں اور بہت کثیر تعداد میں ہیں۔ یاجوج و ماجوج اگرچہ نسلِ آدم سے ہیں اور ظاہری صورت اور شکل کے اعتبار سے آدمی اور انسان ہیں، لیکن طبعی اور مزاجی کیفیت کے لحاظ سے وحشی درندہ اور حیوان ہیں اور افعال اور اعمال کے اعتبار سے جنات سے ملتے جلتے ہیں۔ گویا کہ قومِ یاجوج و ماجوج تمام انسانوں اور جنات کے درمیان کی ایک مخلوق ہے جو فتنہ اور فساد پھیلانے میں جنات کا نمونہ ہے۔ عام انسان اس کا مقابلہ نہیں کرسکتے، اس لیے وہاں کے باشندوں نے ذوالقرنین سے درخواست کی کہ آپ ہمارے اور ان کے درمیان کوئی آہنی دیوار قائم کر دیں، جس سے ان کا راستہ بند ہوجائے اور ہم اُن کے شر سے محفوظ ہوجائیں، چنانچہ ذوالقرنین نے ایک آہنی دیوار بنا کر اُن کو پہاڑ کے پیچھے دھکیل دیا۔
یہ دیوار کہاں ہے؟ اس کے بارے میں مختلف اقوال ہیں، جن میں سے راجح یہ ہے کہ داغستان کے علاقہ کاکیشیا کے دربند، باب الابواب میں یا اس سے بھی اوپر جبل قفقاز یا کوہِ قاف کی بلندی پر ہے اور ان دونوں جگہوں پر ’’سَدّ‘‘ کا ہونا مؤ رخین کے نزدیک ثابت ہے۔
قرآن کریم میں یاجوج و ماجوج کا ذکر اجمالاً اور مختصراً آیا ہے اور احادیث میں کچھ تفصیل آئی ہے۔ بہر حال قرآن اور حدیث سے یہ امر قطعی طور پر ثابت ہے کہ یاجوج ذوالقرنین کی بنائی ہوئی دیوار کے پیچھے بند ہیں، قیامت سے پہلے اس سے باہر نہیں آسکتے۔ان کا خروج بھی حضرت عیسیٰ (u) کے زمانہ میں ہوگا، اس وقت یہ مفسد قوم دنیا پر نکلے گی اور دنیا میں فساد مچائے گی، بالآخر حضرت عیسیٰ بن مریم (u) کی دعا سے اچانک غیر معمولی موت مر جائے گی۔